கே.வி.குப்பம் சார் பதிவாளர் அலுவலகத்தில் டாக்டர். அம்பேத்கரின் நினைவு தினம் அனுசரிப்பு!

சட்டமேதை, பொருளாதார நிபுணர், அரசியல் தலைவர், சமூக சீர்திருத்தவாதி என பன்முகங்களை கொண்டு இந்திய தேசத்தின் வளர்ச்சிக்காக பாடுபட்ட ஈடில்லா தலைவர் டாக்டர். பாபாசாஹெப் அம்பேத்கரின் 68-வது நினைவு நாளையொட்டி டிச.6-ஆம் தேதியன்று நாடெங்கிலும் அரசியல் தலைவர்கள் மற்றும் பல சமூக நல்லமைப்பினர்களால் அம்பேத்கரின் நினைவு நாள் அனுசரிக்கப்பட்டது. அந்த வகையில், வேலூர் மாவட்டம், கே.வி.குப்பம் சார் பதிவாளர் அலுவலகத்திலுள்ள அம்பேத்கரின் திருவுருவப் படத்திற்கு மாலையணிவித்து அஞ்சலி செலுத்தப்பட்டது. இந்த நிகழ்ச்சியை கே.வி.குப்பம் சமூக ஆர்வலர்கள் முரளிராஜன், ஆசிரியர்கள் முருகய்யன், சி.ஜெயச்சந்திரன், கே.வி.குப்பம் மு.ஊராட்சி மன்றத் தலைவர் கே.பி.சரவணன், பூங்குன்றன், மணிவண்ணன், சார் பதிவாளர் சத்தியமூர்த்தி, உதவி அலுவலர் கோவிந்தன் மற்றும் ஆவண எழுத்தர்கள் பலரும் கலந்துக்  கொண்டனர்.