காட்பாடி சன்பீம் சிபிஎஸ்இ பள்ளியில் முப்பெரும் விழா: சிஎம்சி இணை இயக்குனர் பங்கேற்பு!

வேலூர் மாவட்டம், காட்பாடி சன்பீம் சிபிஎஸ்சி பள்ளியில் புக்டோப்பியா நூலக திறப்பு விழா, சயின்ஸ் பீம் தேர்வின் மூலம் தகுதி பெற்றவர்களுக்கு உதவித் தொகை வழங்கும் விழா, அறிவியல் கண்காட்சியில் வெற்றி பெற்றவர்களுக்கு பரிசு வழங்கும் விழா ஆகிய முப்பெரும் விழா நடந்தது. பள்ளியின் தலைவர் ஹரி கோபாலன் தலைமை வகித்தார். துணை தலைவர் டாக்டர் ஜார்ஜ் அரவிந்த், தாளாளர் தங்கப்பிரகாஷ், வழக்குரைஞர் அபிஷா ஜார்ஜ் ஆகியோர் முன்னிலை வகித்தனர். சிறப்பு விருந்தினராக ராணிப்பேட்டை சிஎம்சி மருத்துவமனையின் இணை இயக்குனர் தீபக் செல்வராஜ் கலந்துகொண்டு பேசுகையில் மாணவர்களின் வாழ்க்கையில் புத்தகங்கள் தான் பெரிய மாற்றத்தை உண்டாக்கும். ஆகையால் மாணவர்கள் நூலகங்களுக்குச் சென்று தங்களின் அறிவை மேம்படுத்திக் கொள்ள வேண்டும் என்றார். கௌரவ விருந்தினராக மகப்பேறு மற்றும் குழந்தைகள் நலத்துறை தலைவர் தேவமணி பாண்டியன் கலந்து கொண்டார். சயின்ஸ் பீம் ஒலிம்பியாட் தேர்வில் சிறப்பிடம் பெற்ற 110 மாணவர்களுக்கு ரூபாய் 21 லட்சம் மதிப்பிலான கல்வி உதவித் தொகையும், பள்ளி அறிவியல் கண்காட்சியில் வெற்றி பெற்ற 100 மாணவர்களுக்கு பரிசுகளும் வழங்கப்பட்டது. பள்ளி முதல்வர் ரத்தீஷ், துணை முதல்வர்கள், ஒருங்கிணைப்பாளர்கள், ஆசிரியர்கள் மற்றும் மாணவ, மாணவிகள் திரளாக கலந்துக் கொண்டனர்.