காட்பாடி தூய நற்கருணை நாதர் திருத்தலத்தில் கிறிஸ்துமஸ் விழா கோலாகலம்!

வேலூர் மாவட்டம், காட்பாடி தூய நற்கருணை நாதர் திருத்தலத்தில் கிறிஸ்துமஸ் விழா கோலாகலமாக கொண்டாடப்பட்டது. கிறிஸ்துமஸ் பண்டிகையை முன்னிட்டு நள்ளிரவு 12 மணிக்கு சிறப்பு திருப்பலி நடந்தது. இந்த திருப்பலி சிறப்பு கூட்டத்தில் தூய நற்கருணை நாதர் திருத்தலத்தின் பங்கு மக்கள் திரளாக கலந்து கொண்டு இயேசு கிறிஸ்துவை ஜெபித்தனர். தூய நற்கருணை நாதர் திருத்தலத்தின் பங்கு தந்தைகள் சுந்தர் பிரான்சிஸ், மார்ட்டின், விண்ணரசு ஆகியோர் திருப்பலியை நிகழ்த்தினர். இந்த திருப்பலியில் பாவ சங்கீர்த்தனம் இசைக்கப்பட்டது. அருட் சகோதரிகள் மற்றும் ஞானசேகர், போஸ்கோ ,டேவிட்,  ஜாக்சன் ஆகியோர் பாடல் குழுவில் இணைந்து திருப்பலி பாடல்களை பாடினர். எட்வின் மரியரசு திருப்பலியை நிறைவேற்றினார். இந்த திருப்பலியில் தூய நற்கருணை நாதர் திருத்தலத்தின் பங்கு மக்கள் திரளாக கலந்து கொண்டு ஒருவருக்கொருவர் கிறிஸ்துமஸ் வாழ்த்துக்களை பரிமாறிக்கொண்டனர். இதை தொடர்ந்து அனைவருக்கும் கேக் மற்றும் தேநீர் வழங்கப்பட்டது. அனைவருக்கும் பங்கு தந்தைகள் கிறிஸ்துமஸ் வாழ்த்துக்களை தெரிவித்துக் கொண்டனர்.