வேலூர் ஸ்ரீ நாராயணி பீடத்தில் காமதேனு மகாயாகம்: ஸ்ரீ சக்தி அம்மா பங்கேற்பு!

வேலூர் ஸ்ரீ நாராயணி பீடத்தில் மாட்டுப்பொங்கலை முன்னிட்டு ஸ்ரீபுரம் தங்கக் கோயில் யாகசாலையில் காமதேனு மகாயாகம் நடந்தது. இந்த மகா யாகத்தை முன்னிட்டு ஸ்ரீபுரம் தங்கக் கோயில் யாக சாலையில் ஸ்ரீ சக்தி அம்மா தலைமையில் காமதேனு மகாயாகம் மிக விமரிசையாக நடந்தது. இதில் ஸ்ரீசக்தி அம்மா கலந்து கொண்டு பசுக்களுக்கு பொட்டு வைத்து ஆரத்தி காண்பித்து, பழ வகைகளை உண்பதற்கு கொடுத்து அவற்றை ஆசுவாசப்படுத்தினார். இதை தொடர்ந்து உள்ளூர் பக்தர்கள் மற்றும் வெளிநாடு வாழ் பக்தர்கள் திரளாக கலந்து கொண்டு பசுக்களை வணங்கி காமதேனு மகா யாகத்தில் பங்கேற்று தங்களது பங்களிப்பை அளித்து இந்த காமதேனு மகா யாகத்தை மேலும் மெருகூட்டினர். இந்த பூஜையில் கலந்து கொண்டவர்களுக்கு ஸ்ரீ சக்தி அம்மா பிரசாதங்களை விநியோகம் செய்தார்.