தொடர்ந்து, பல்வேறு மாவட்டங்களில் இருந்து நாராயணி பக்தசபா பக்தர்கள் வரிசை தட்டுகளுடன் ஊர்வலமாக நிகழ்ச்சி திடலுக்கு வந்தனர். இதைத் தொடர்ந்து, காலை 11 மணியளவில் ஸ்ரீசக்தி அம்மாவுக்கு மலர் அபிஷேகமும், பாத பூஜையும் நடைபெற்றது. இதனையடுத்து 12 மணி முதல் ஸ்ரீசக்தி அம்மா பக்தர்களுக்கு ஆசி வழங்கினார்.
முன்னதாக, ஸ்ரீ சக்தி அம்மா ஜெயந்தி விழா மற்றும் புத்தாண்டையொட்டி ஸ்ரீநாராயணி பீடம் தங்கக் கோயிலில் சுமார் 50 ஆயிரம் பக்தர்களுக்கு அன்னதானம் வழங்கப்பட்டது. இது குறித்து, நாராயணி பீடம் அறங்காவலர்கள் கூறுகையில், "இந்தியாவிலுள்ள மிகமுக்கிய ஆன்மீகத் தலைவர்களில் ஒருவர் ஸ்ரீசக்திஅம்மா. உலகம் முழுவதும் அன்பையும், ஞானத்தையும் ஊக்குவிக்கும் நோக்கத்தில், மற்றவர்களுக்கு சேவை செய்வதே உள்அமைதி, நல்லிணக்கத்துக்கான பாதை என்பதை போதிக்கும் ஸ்ரீசக்திஅம்மா, 1992 ஆம் ஆண்டில் அவரது 16 வயதில் வேலூரிலுள்ள அவரது குடும்ப வீட்டை விட்டு வெளியேறி, வேலூர் அருகே திருமலைக்கொடியில் குடியேறினார்.
அங்கு கைலாஷ் கிரி மலையின் அடிவாரத்தில் தங்கி, தொடர்ந்து ஆன்மீக சேவைகளை மேற்கொண்டு வந்த ஸ்ரீசக்தி அம்மா, 1995ஆம் ஆண்டில் ஸ்ரீ நாராயணி பீடம் என்ற ஆன்மீக மையத்தையும் நிறுவினார். பின்னர், 2004ஆம் ஆண்டு திறக்கப்பட்ட ஸ்ரீ நாராயணி மருத்துவமனை, ஆராய்ச்சி மையம் மூலம் இலவச மருத்துவம், ஸ்ரீ நாராயணி பள்ளியில் குழந்தைகளுக்கு கல்வி என ஏராளமான மக்களுக்கு பொருளாதார மேம்பாட்டுத் திட்டங்களை அளித்து வருகிறார்.
தொடர்ந்து, நாராயணி பீடம் சார்பில் 1,700 கிலோ தங்கத்தால் உருவாக்கப்பட்ட பொற்கோயில் 2007ஆம் ஆண்டு ஆகஸ்ட் மாதம் திறக்கப்பட்டது. இக்கோயிலில் தரிசனம் செய்திட பல்வேறு மாநிலங்கள், அயல்நாடுகளில் இருந்தும் தினமும் ஆயிரக்கணக்கான பக்தர்கள் வந்து செல்கின்றனர். அந்த வகையில், முக்கியத்துவம் வாய்ந்த ஸ்ரீநாராயணி பீடம் ஸ்ரீசக்திஅம்மாவின் 49ஆவது ஜெயந்தி விழா 03.01.2025 அன்று (ஜன.3) கோலாகலமாக நடைபெற்றது குறிப்பிடத்தக்கது.
No comments:
Post a Comment