இந்த நிலையில் உதவி காவல் ஆய்வாளர் அண்ணாதுரை போன் செய்தும் அதனை மெக்கானிக் சீனிவாசன் எடுக்கவில்லை என்று சொல்லப்படுகிறது. இதனால் ஆத்திரம் அடைந்த உதவி காவல் ஆய்வாளர் அண்ணாதுரை வாடிப்பட்டியிலுள்ள ஒர்க்ஷாப்க்கு வந்து மெக்கானிக் சீனிவாசன் மற்றும் கடை ஊழியரை கன்னத்தில் பளார்னு அறைந்து தாக்கியிருந்தார். இது கடையில் இருந்த கண்காணிப்பு கேமராவில் பதிவானது.
இதனையடுத்து மெக்கானிக் சீனிவாசன் மதுரை மாவட்ட ஆட்சியாளர் அலுவலகம், தமிழ்நாடு முதல்-அமைச்சரின் தனிப்பிரிவு, மற்றும் மாவட்ட காவல் கண்காணிப்பாளர் அரவிந்த்திடம் புகார் அளித்தார். அதில், "வாடிப்பட்டியில் பணியில் இருந்தபோது, உதவி காவல் ஆய்வாளர் அண்ணாதுரை ஏற்கனவே வாகனம் பழுதுபார்த்த வகையில் ரூ.8,600 பாக்கி வைத்திருக்கிறார்.
தற்போது மீண்டும் பணம் ஏதும் தராமல் இருசக்கர வாகனத்தை பழுது பார்க்கச் சொல்லி மிரட்டினார். போலீஸ்காரர் ஒருவருடன் வந்து கடை ஊழியரையும் தாக்கி கஞ்சா உள்ளிட்ட திருட்டு வழக்குகளைப் பதிவு செய்வதாகவும் என்னை மிரட்டினார்" என அதில் தெரிவித்துள்ளார். இதனிடையே சீனிவாசனை அண்ணாதுரை தாக்கும் வீடியோ சமூக வலைத்தளத்தில் வேகமாக பரவியதை அடுத்து, உதவி காவல் ஆய்வாளர் அண்ணாதுரையை பணியிடை நீக்கம் செய்து தென்மண்டல ஐ.ஜி. பிரேம் ஆனந்த் சின்கா, ஐஏஎஸ்., உத்தரவிட்டுள்ளார்.
No comments:
Post a Comment