ஸ்ரீ ராகவேந்திரர் கோயிலில் வியாழக்கிழமை சிறப்பு பூஜை

வேலூர் மாவட்டம், காட்பாடி தாலுகா, குடியாத்தம் சாலையில் கிளித்தான்பட்டறை பகுதியில் அமைந்துள்ளது ஸ்ரீ ராகவேந்திரர் ஆலயம். இந்த ஆலயத்தில் வியாழக்கிழமைகள் தோறும் சிறப்பு பூஜைகள் நடைபெறுவது வழக்கம். இதையொட்டி  அதிகாலை நடை திறக்கப்பட்டு சிறப்பு அபிஷேகங்கள் மற்றும் பூஜைகள் நடந்தன. இதில் மலர்களால் அலங்கரிக்கப்பட்டு ஸ்ரீ ராகவேந்திரர் பக்தர்களுக்கு அருள் பாலித்தார். பல பக்தர்கள் கோயிலில் அமர்ந்து மௌனமாக தியானத்தை மேற்கொண்டனர். இந்த சிறப்பு பூஜையில் கலந்து கொண்ட அனைவருக்கும் பிரசாதங்கள் விநியோகம் செய்யப்பட்டது. பூஜைக்கான ஏற்பாடுகளை கோயில் நிர்வாகி மோதிலால் செய்திருந்தார்.