சிவகங்கையில்: பட்டா மாற்றம் செய்ய கூகுள் பே மூலம் லஞ்சம் பெற்ற பெண் கிராம நிர்வாக அலுவலர் சஸ்பெண்ட் ..கலெக்டர் ஆக்சன்!

சிவகங்கையில்: பாரா ஒலிம்பிக் தகுதி போட்டியில் பங்கேற்று 4-வது இடத்தை பிடித்து சாதித்த கண் தெரியாத மாற்றுத்திறனாளி சரண்யாவின் வீடு சேதம் அடைந்த நிலையில் இருந்தது. இந்நிலையில் தனது பூர்வீக வீட்டுக்கு பட்டா கேட்டு விண்ணப்பித்த சரண்யாவின் தாயார் ராஜேஸ்வரியிடம் கூகுள் பே மூலம் லஞ்சம் வாங்கிய கிராம நிர்வாக பெண் அலுவலரை பணியிடை நீக்கம் செய்து சிவகங்கை மாவட்ட ஆட்சித்தலைவர் ஆஷா அஜீத்., ஐஏஎஸ். உத்தரவிட்டுள்ளார்.

அரசு ஊழியர்கள் பட்டா பெயர் மாற்றம், பத்திரப்பதிவு, சொத்து வரி பெயர் மாற்றம், வாரிசு சான்றிதழ், இருப்பிட சான்றிதழ், வருமான சான்றிதழ், விதவையர் சான்றிதழ் உள்பட பல்வேறு அரசின் சேவைகளை பெற லஞ்சம் வாங்கினால் அவர்கள் மீது நடவடிக்கை எடுக்க முடியும்.

உங்களிடம் லஞ்சம் கேட்கும் அரசு ஊழியர்கள் குறித்து மாவட்ட தலைநகரிலுள்ள லஞ்ச ஒழிப்பு போலீசில் புகார் அளித்தால், அந்த குறிப்பிட்ட அரசு அதிகாரியை கையும் களவுமாக பிடிக்கப்படுவார்கள்.. அவர்கள் சஸ்பெண்ட் செய்யப்படுவதுடன், கைதும் செய்யப்படுவார்கள். விசாரணை முடிவில் தண்டனையும் அவர்களுக்கு கிடைக்கும். எனவே லஞ்சத்தை எதிர்பார்த்து உங்களை அலைகழித்தால் தைரியமாக புகார் அளியுங்கள். சிவகங்கை மாவட்டத்தில் நடந்த இந்த சம்பவம் பற்றி இப்போது பார்ப்போம்.

சிவகங்கை மாவட்டம், கீழநெட்டூர் கிராமத்தைச் சேர்ந்தவர் மூர்த்தி. இவருடைய மனைவி ராஜேசுவரி. இவர்களுக்கு 24 வயதில் சரண்யா என்ற மகள் சரண்யா இருக்கிறார். இவர் பார்வையற்ற மாற்றுத்திறனாளியாவார். கண் பார்வை இல்லாத நிலையில் கூட இவர் பாரா ஒலிம்பிக் தகுதி போட்டியில் பங்கேற்று 4-வது இடத்தை பிடித்து சாதித்தவர் சரண்யா. இவரது பூர்விக வீடனாது சேதம் அடைந்த நிலையில் இருந்துள்ளது.

இந்நிலையில் தங்களது பூர்வீக வீட்டுக்கு பட்டா கேட்டு சரண்யாவின் தாயார் ராஜேசுவரி, கிராம நிர்வாக அலுவலர் ராக்குவிடம் விண்ணப்பித்து உள்ளார். அதற்கு அவர் ரூ.4 ஆயிரம் லஞ்சமாக கேட்டாராம். இதையடுத்து ராஜேசுவரி கூகுள் பே மூலமாக ரூ.3 ஆயிரம் அனுப்பியுள்ளார். ஆயிரம் ரூபாயை ரொக்கமாக கொடுத்திருக்கிறாராம். இந்தநிலையில், சிவகங்கை மாவட்ட ஆட்சியாளர் ஆஷா அஜீத் வீராங்கனை சரண்யாவின் வீட்டுக்குச் சென்று ஆய்வு செய்து பட்டா மற்றும் வீடு கட்டுவதற்கான ஒப்புதலை வழங்கியிருக்கிறார்.

இதை தொடர்ந்து ராஜேஸ்வரி, கிராம நிர்வாக அலுவலரிடம் லஞ்சமாக கொடுத்த பணத்தை திருப்பி கேட்டிருக்கிறார். ஆனால் பணம் கொடுக்காமல் அவரை அலைக்கழித்ததாக சொல்லப்படுகிறது. இதுதொடர்பாக ராஜேசுவரி, இளையான்குடி காவல் நிலையத்தில் புகார் அளித்தார். இதையடுத்து ராக்கு, பணத்தை திருப்பி கொடுத்ததாக தெரிகிறது. இந்த விவகாரத்தில் சிவகங்கை மாவட்ட ஆஷா அஜீத்., ஐஏஎஸ். அதிகாரியின் கவனத்திற்கு சென்றது. இதையடுத்து கிராம நிர்வாக அலுவலர் ராக்குவை, மாவட்ட ஆட்சியாளர் ஆஷா அஜீத் பணியிடை நீக்கம் செய்து உத்தரவிட்டார்.

திரை உலகின் பிரபலங்கள்.. அடுத்தடுத்து விவாகரத்து.. தனுஷ், சமந்தா, ஜெயம் ரவி, இமான், ஆஸ்கார் நாயகன் ஏ.ஆர் ரகுமான்!

தமிழ் சினிமா உலகில் அடுத்தடுத்து பலரும் விவாகரத்து செய்து வருகின்றனர். முன்னணி நடிகர், நடிகைகள், பல ஆண்டுகளாக திருமண உறவில் இருந்தவர்கள் கூட விவாகரத்து செய்ய தொடங்கியுள்ளனர். சினிமா திரை உலகை இந்த தொடர் சம்பவங்கள் அதிர்ச்சி அடைய வைத்துள்ளன.

1. சமீபத்தில் இசையமைப்பாளர் ஜி.வி. பிரகாஷ் தனது நீண்ட கால பள்ளித் தோழியான மனைவி சைந்தவியை விவாகரத்து செய்தார். இருவரும் நீண்ட காலம் காதலித்து திருமணம் செய்திருந்த நிலையில் மனஸ்தாபம் காரணமாக இருவரும் விவாகரத்து செய்தனர்.

2. அதேபோல் இசையமைப்பாளர் டி. இமான் தனது மனைவியை விவாகரத்து செய்தார். இருவருக்கும் ஏற்பட்ட மனஸ்தாபம் காரணமாக அவர்கள் விவாகரத்து செய்ததாக கூறப்பட்டது.

3. சமீபத்தில் நடிகர் ஜெயம் ரவி இதேபோல் விவாகரத்து செய்தார். ஜெயம் ரவி மனைவி ஆர்த்தி ரவி, விவாகரத்து பற்றி தன்னிடம் ரவி எதுவும் சொல்லவில்லை. என்னிடம் ஆலோசனை செய்யாமல் விவாகரத்து பற்றி அறிவித்துள்ளதாக ஆர்த்தி ரவி புகார் வைத்துள்ளார். அதில், சமீபத்தில் ஊடகங்களிலும் சமூக வலைதளங்களிலும் எங்கள் திருமண வாழ்க்கை குறித்து வெளியான அறிக்கையை பார்த்து நான் கவலையும் மன வேதனையும் அடைந்தேன். இது முழுக்க முழுக்க என் கவனத்திற்கு வராமலும், என் ஒப்புதல் இல்லாமலும் வெளியான ஒன்று என்பதை தெளிவுபடுத்த விரும்புகிறேன்.

4. பரஸ்பர நம்பிக்கை மற்றும் மரியாதையுடன் கடந்த 18 வருடங்களாக நான் வாழ்ந்த வாழ்க்கை இந்த அறிக்கையின் மூலம் அதற்குரிய கௌரவம், கண்ணியம் மற்றும் தனித்தன்மையை இழந்து விட்டதாக நான் உணர்கிறேன். என் கணவரிடம் மனம் விட்டு பேச, என் கணவரை சந்திக்க வேண்டும் என நான் சமீபகாலமாக பலவித முயற்சிகள் செய்தேன். ஆனால் அதற்கான வாய்ப்பு எனக்கு மறுக்கப்பட்டது. நானும் என் இரண்டு குழந்தைகளும் எதுவும் புரியாமல் தவித்து கொண்டிருக்கிறோம். திருமண பந்தத்தில் இருந்து விலக வேண்டும் என்ற இந்த முடிவு முழுக்க முழுக்க சொந்த விருப்பத்தைச் சார்ந்து அவராகவே எடுத்த முடிவே தவிர குடும்ப நலன் கருதி எடுக்கப்பட்ட முடிவு அல்ல., என்று ஜெயம் ரவியின் மனைவி குறிப்பிட்டு இருந்தார்.

5. இது போக நடிகை சமந்தா - நாக சைத்தன்யா, நடிகர் தனுஷ் - ஐஸ்வர்யா ரஜினிகாந்த் உள்ளிட்ட பலரும் தமிழ் சினிமா உலகில் அடுத்தடுத்து விவகாரத்து செய்துள்ளனர்.

6. ஏ. ஆர் ரகுமான்: ஏஆர் ரஹ்மானிடம் இருந்து பிரிவதாக மனைவி சாய்ரா பானு அறிவித்துள்ளார். இதன்மூலம் 29 ஆண்டு கால திருமண வாழ்க்கை முடிவுக்கு வந்துள்ளது. இந்த தம்பதிக்கு கதிஜா, ரஹிமா என்ற மகள்கள் உள்ளனர். அதேபோல் அமீன் என்ற மகன் உள்ளார். இந்நிலையில் தான் ஏஆர் ரஹ்மானிடம் இருந்து பிரிவதாக மனைவி சாயிரா பானு அறிவித்துள்ளார்.

7. சாயிரா பானு தனது கணவர் ஏஆர் ரஹ்மானை பிரிவதாக அவரது அவரது வழக்கறிஞர் சார்பில் அறிக்கை வெளியிட்டுள்ளார். அதில் திருமணமாகி பல வருடங்கள் கழித்து சாய்ரா பானு தனது கணவர் ஏஆர் ரஹ்மானை விட்டு பிரியும் கடினமான முடிவை எடுத்துள்ளார்.

சினிமா துறையில் திருமண உறவுகள் முறிய பின்வரும் விஷயங்கள் முக்கியமான காரணமாக பார்க்கப்படுகின்றன./ பின்வரும் விஷயங்களில் ஏதாவது ஒன்று பிரபலங்களின் விவாகரத்திற்கு காரணமாக அமைந்து விடுகிறது.

1. சினிமா உலகில் இருப்பதால் தனிப்பட்ட வாழ்க்கையில் பெரிய அளவில் கவனம் செலுத்த முடிவது இல்லை.

2. சினிமா துறையில் உள்ளவர்களின் தனிப்பட்ட ஒழுக்கம் சந்தேகத்திற்கு உள்ளாகிறது. கிசுகிசுக்கள் பரப்பப்படுகிறது இது மோதலுக்கு வழிவகுக்கிறது.

3. சினிமா துறையில் புழங்கும் பணம் விவாகரத்துக்கு காரணமாக அமைகிறது. சிலருக்கு பொருளாதாரம் உயர்வதால் விவகாரத்து ஏற்படும். சிலருக்கு பொருளாதாரம் சரிவதால் விவாகரத்து ஏற்படும்.

4. திருமணம் கடந்த உறவு என்பதும் கூட விவாகரத்துக்கு காரணமாக சில இடங்களில் அமைந்து விடுகிறது.

முன்னாள் ஊராட்சி தலைவரை தாக்கிய இந்நாள் ஊராட்சி மன்ற தலைவர் கைது!

வேலூர் மாவட்டம் ,காட்பாடி தாலுகா, மேல்பாடி காவல் நிலைய எல்லைக்குட்பட்ட பகுதியைச் சேர்ந்தது பெருமாள் குப்பம். இந்த ஊரைச் சேர்ந்தவர் அதிமுக பிரமுகர் முன்னாள் ஊராட்சி மன்ற தலைவர் சதாசிவம் (50 வயது). இதே ஊரைச் சேர்ந்தவர் இந்நாள் ஊராட்சி மன்ற தலைவர் கோட்டி (32 வயது). இவர் திமுகவைச் சேர்ந்தவர். கடந்த 2023 இல் கோட்டி என்பவர் ஊராட்சியில் சில வளர்ச்சி பணிகளை மேற்கொண்டார். இந்த வளர்ச்சி பணிகள் சரிவர நடக்காததை கண்டு சதாசிவம் அவரிடம் சென்று பணிகள் தரமாக இல்லையே என்று தட்டி கேட்டார். இதனால் ஆத்திரமடைந்த கோட்டி தகாத வார்த்தைகளால் திட்டி வாக்குவாதம் செய்தார் .இதை யடுத்து அத்துடன் அந்த பிரச்சனை முடிவுக்கு வந்தது. இந்நிலையில் இந்த முன்விரோதத்தை மனதில் கொண்ட கோட்டி அடையாளம் தெரியாத 6 பேருடன் கடந்த 2023 கொக்கேரி (எருக்கம்பட்டு ஏரி) ஏரிக்கரையில் புளியமரம் அருகே மோட்டார் சைக்கிளில் சென்ற சதாசிவத்தை வழிமறித்து இரவு 7 மணி அளவில் ஆளில்லாத பகுதியில் புளிய மரத்துக்கு பின்னால் இழுத்துச் சென்று இரும்பு ராடு, தடி போன்ற ஆயுதங்களால் சரமாரியாக சதாசிவத்தை தாக்கி விட்டு தப்பி ஓடி விட்டனர். இந்நிலையில் இதுகுறித்து படுகாயம் அடைந்த சதாசிவம் மேல்பாடி காவல் நிலையத்தில் புகார் அளித்தார். இந்த புகாரின் பேரில் வழக்குப் பதிவு செய்து மேல்பாடி போலீசார் விசாரணை நடத்தி வந்தனர். இதற்கிடையில் இந்த தாக்குதலில் படுகாயம் அடைந்த சதாசிவம் சென்னை அரசு மருத்துவமனையில் 3 மாதம் அனுமதிக்கப்பட்டு சிகிச்சை பெற்றார். இதை தொடர்ந்து ஒரு மாதம் தனியார் மருத்துவமனையிலும் சிகிச்சை பெற்றார். ஆக மொத்தம் 6 மாதங்களாக இவர் கொடுத்த புகாரின் பேரில் நடவடிக்கை எடுக்காமல் போலீசார் ஆட்கள் அடையாளம் தெரியாமல் திணறி வந்தனர். இந்நிலையில் அதாவது 15 .11 .2024 அதிகாலை 4 மணி அளவில் சதாசிவத்தை தாக்கியவர்கள் அடையாளம் தெரிந்து கோட்டியை மட்டும் போலீஸார் கைது செய்தனர். இந்த தகவலை பொதுமக்களுக்கு தெரியப்படுத்தாமல் மேல்பாடி காவல் ஆய்வாளர் கருணா மறைத்து வைத்துள்ளார். இதற்கு அடிப்படை காரணம் மற்றும் பின்புலமாக காட்பாடி ஒன்றிய பெருந்தலைவர் வேல்முருகன் செயல்படுவதாக தகவல்கள் கூறப்படுகிறது. ஆக மொத்தத்தில் வேலூர் மாவட்ட காவல் கண்காணிப்பாளர் மதிவாணன் மற்றும் காட்பாடி காவல் துணை கண்காணிப்பாளர் பழனி ஆகியோர் இந்த தகவலை வெளி உலகத்திற்கு தெரியப்படுத்த வேண்டும் என்று பெருமாள் குப்பம் கிராம பொதுமக்கள் ஆவலோடு எதிர்பார்க்கின்றனர் என்பது குறிப்பிடத்தக்கது. போலீஸாரால் கைது செய்யப்பட்ட கோட்டி விடுவிக்கப்பட்டாரா? அல்லது சிறையில் அடைக்கப்பட்டாரா? என்பது புரியாத புதிராக உள்ளதும் குறிப்பிடத்தக்கது. இதற்கு காவல்துறை விடை சொல்ல வேண்டும் என்று கிராம பொதுமக்கள் எதிர்பார்க்கின்றனர்.

குடியாத்தம் பகுதியில் பத்திரிகையாளர், சமூக சேவகர் என்ற போர்வையில் வசூல் வேட்டை!! புகார் அளித்தும் காவல்துறையினர் மௌனம்!

வேலூர் மாவட்டம், குடியாத்தம் பகுதியில் சமூக சேவகர் என்ற போர்வையில் குடியாத்தம் நகர, ஒன்றிய பகுதிகளில் ஆதரவற்ற நிலையில் இருக்கும் விதவைகள், பெண்கள், மாற்றுத்திறனாளி பெண்கள் என பெண்களை மட்டும் குறிவைத்து அவர்களுக்கு அரசின் நலத்திட்டங்களான முதியோர் உதவித்தொகை, மாற்றுத்திறனாளிகள் உதவித்தொகை, குடும்ப அட்டைகள் பெற்று தருவது, வாரிசு சான்று மற்றும் கணவனால் கைவிடப்பட்டோர் சான்று ,விதவைச் சான்றுகள் பெற்று தருவது என குடியாத்தம் வட்டாட்சியர் அலுவலகத்தின் வாசற்படியில் நின்று கொண்டு உள்ளே இருக்கும் சில அலுவலர்களின் தொடர்பில் இருந்து கொண்டு மிரட்டி வருவதாக கூறப்படுகிறதூ. மேற்படி பெண்களின் நிலை அறிந்து தானே முன்வந்து உதவி செய்வதாக கூறி சில ஆயிரங்களை பெற்றுக்கொண்டு உதவி செய்வது போல் நடித்து வந்த நபர், குடியாத்தம் நகர பகுதிகளில் உள்ள பிரபல ஜவுளி கடைகள், இனிப்பு வியாபார கடைகள் ,மளிகை கடைகள் மற்றும் தீப்பெட்டி தொழிற்சாலைகள் இவைகளின் பதிவு எண்களை புதுப்பிக்கப்படுவதாக கூறிக் கொண்டு வட்டாட்சியர் அலுவலகம் தனது கட்டுப்பாட்டில் உள்ளதாக கூறி ரூ.10 ஆயிரம் முதல் ரூ.30 ஆயிரம் வரை வியாபாரம் பேசி பணம் சம்பாதித்து வருவதாகவும் கூறப்படுகிறது. நகராட்சிக்கு சொந்தமான இடங்களில் வாடகை கடைகள் மற்றும் கூடுதல் இடங்களை பயன்படுத்துவோரிடம் நான்கு வரி, ஆறு வரி வாட்ஸப் மெசேஜ்கள் மூலம் நகராட்சி அலுவலர்களை மிரட்டி சம்பந்தப்பட்டவர்கள் மூலம் முப்பதாயிரம் ரூபாயை வசூலித்துள்ளதாகவும் கூறப்படுகிறது. இவை எல்லாவற்றிற்கும் மேலாக கடந்த மாதம் குடியாத்தம் அரசு மருத்துவமனையில் உள்ள தனியார் ஆம்புலன்ஸ் டிரைவர்களிடம் மாதம்தோறும் தனக்கு அனைவரும் சேர்ந்து மாதம் 25 ஆயிரம் ரூபாய் மாமூல் பணம் வழங்க வேண்டும் என தொலைபேசி மூலம் மிரட்டி பணம் கேட்டுள்ளார். இந்த பணம் கேட்டதன் விளைவாக ஆம்புலன்ஸ் டிரைவர்கள் மூலம் நகர காவல் நிலையத்தில் புகார் அளிக்கப்பட்டு பதினோரு நாட்கள் காவல் நிலையம் பக்கமே திரும்பாமல் சோறு தண்ணி இல்லை என உடன் இருப்பவர்களிடம் கூறிக்கொண்டு புலம்பி தீர்த்து வருகிறாராம். அத்துடன் தான் பத்திரிக்கையாளர் என்ற போர்வையில் உள்ளதால் இது போன்ற தவறான செயல்களில் ஈடுபடக்கூடாது என அறிவுறுத்தி ஒரு சில பத்திரிக்கையாளர்களின் உதவியுடன், நிபந்தனையுடன் கூடிய மன்னிப்பை கூறியதால் காவல்துறை எச்சரித்து அனுப்பியது. ஆனால் மீண்டும் தொடர்ந்து  நலத்திட்டங்கள் வழங்குவதாக கூறி அரசுத்துறை சார்ந்த அதிகாரிகளிடம் வசூல் வேட்டையில் ஈடுபட்டு வருவது தெரியவந்துள்ளது. குடியாத்தம் கூட்டுறவு நியாய விலைக் கடைகளில் விற்பனையாளர்களிடம் மாமூல் பணம் வழங்க வேண்டும் என கூறி மிரட்டி வருவதும், சர்க்கரை, பருப்பு நான் கேட்ட அளவிற்கு இலவசமாக வழங்க வேண்டும் என மிரட்டி வருவதும் தொடர்கதையாக உள்ளது என பொதுமக்கள், சமூக ஆர்வலர்கள் கூறியுள்ளனர்.மேலும் வருவாய்த்துறை, காவல்துறை ,கூட்டுறவுத்துறை சம்பந்தப்பட்ட அதிகாரிகளிடம் தான் பத்திரிக்கையாளர் என்று மிரட்டி பணம் பறித்து வருவதும், தான் பணிபுரியும் பத்திரிக்கையாளரே தனக்கு கடனாளி எனக் கூறி தன் மீது புகார் அளித்தால் எவ்வித நடவடிக்கையும் இருக்காது என பேசி வருவதும் காவல்துறை தன்னை ஒன்றும் செய்ய முடியாது என்று திமிராக பேசி வருவதும் அனைவரும் அறிந்த ஒரு செய்தியாகும் எனவும் கூறினர். தனது செல்போனில் ஆபாச புகைப்படங்களை வைத்துக்கொண்டு தன்னிடம் வரும் அபலை பெண்களிடம் அவர்களின் பொருளாதார நசிவை பயன்படுத்தி தன்னுடைய வீட்டிற்கு வரவைத்து பாலியல் அத்துமீறலில்  ஈடுபட்டதாக நகர காவல் நிலையத்தில் புகார் அளிக்கப்பட்டு அந்த புகார்  நிலுவையில் அப்படியே உள்ளது என பொதுமக்கள், சமூக ஆர்வலர்கள் தெரிவித்துள்ளனர். ஜனநாயகத்தின் நான்காவது தூணாக  கருதப்படும் பத்திரிக்கை துறையில் நுழைந்து சில ஆயிரங்களை கொடுத்து பத்திரிக்கையாளர் என்ற அடையாளத்துடன் மிகப்பெரிய அவப்பெயர் ஏற்படுத்தி வரும் மேற்படி நபரின் அத்துமீறல்களை முன்னோட்ட செய்தியாகவும் அத்துமீறல் செயல்களையும் துறை சார்ந்த அதிகாரிகளிடம் பொதுமக்கள், சமூக ஆர்வலர்கள் ஆங்காங்கே கூறி வருவதும் குடியாத்தம் நகர முழுமைக்கும் பேசும் பொருளாக இருந்து வருகிறது. ஒரு சாதாரண நபர் சமூக சேவகர் என்ற போர்வையில் மாதந்தோறும் லட்சக்கணக்கில் வசூல் செய்வதும் பெட்டிஷன் மாஸ்டர் என்ற பெயரில் சமூக சேவராக இருந்த நபர் சமூக சேவை பத்திரிக்கையாளர் என்ற பெயரில் மேற்படி பெயர்களுக்கு கலங்கம் ஏற்படுத்தும் வகையில் சுயநல சமூக விரோத செயல்களில் ஈடுபட்டு வரும் மேற்படி நபரின் அத்துமீறல்களை முடிவுக்கு கொண்டு வர இச்செய்தியின் மூலம் துறை சார்ந்த  நிர்வாகம் உரிய நடவடிக்கை மேற்கொண்டு  சமூக சேவகர் என்ற பெயரில்  பகல் கொள்ளையில் ஈடுபட்டு வரும் மேற்படி நபரின் அத்துமீறல்களை  எப்போது முடிவுக்கு கொண்டு வருவார்கள் என குடியாத்தம் தொகுதி  பொதுமக்கள் மிகுந்த எதிர்பார்ப்பில் உள்ளனர். புகாரை வாங்கி வைத்துக்கொண்டு குடியாத்தம் நகர காவல் ஆய்வாளர் அமைதி காப்பதாகவும் ஒரு தகவல் உலா வந்து கொண்டுள்ளது .இவர் நடவடிக்கை எடுப்பாரா? அல்லது இவரை பார்த்து பயந்து நடுங்குகிறாரா என்பதை நாம் பொறுத்திருந்துதான் பார்க்க வேண்டும். வேலூர் மாவட்ட காவல் கண்காணிப்பாளர் மதிவாணன் இந்த பிரச்சனையில் உடனடியாக நடவடிக்கை எடுக்க வேண்டும் என்று பொதுமக்களும் சமூக ஆர்வலர்களும் ஒட்டுமொத்தமாக வேண்டுகோள் விடுத்துள்ளதும் குறிப்பிடத்தக்கது.

வலுவிழுந்து காணப்படும் ஆரம்ப சுகாதார நிலைய கட்டடம் இடிக்கப்படுமா? பொதுமக்கள் உயிர்கள் காப்பாற்றப்படுமா?

வேலூர் மாவட்டம், காட்பாடி தாராபடவேடு அடுத்த கிளித்தான்பட்டறை நகரத்திலுள்ள ஆரம்ப சுகாதார நிலைய கட்டடம் மிகவும் வலுவிழந்து காணப்படுகிறது. உள்ளே ஆங்காங்கே விரிசல்கள் ஏற்பட்டு அதன் வழியாக மழை நீர் உள்ளே வருகிறது. அதன் அருகில் புதியதாக ஆரம்ப சுகாதார நிலையத்துக்கு புதியதாக கட்டடம் கட்டப்பட்டு ஒரு வருடம் ஆகியும் திறக்கப்படாமல் உள்ளது. இதனால் பொதுமக்கள் பெரும் சிரமத்திற்கு ஆளாகி வருகின்றனர். எப்போது இந்த கட்டடம் இடிந்து விழும் என்று தெரியவில்லை. சில தினங்களுக்கு  முன்புதான் காட்பாடி தாராபடவேடு நகரத்தில் பழைய கட்டடம் இடிந்து விழுந்து முதியவர் ஒருவர் இறந்துள்ளார். மேலும் இதேபோல் அசம்பாவிதங்கள் ஏதேனும்  நடக்காமல் இருக்க வேலூர் மாநகராட்சி காட்பாடி 1வது மண்டல அலுவலர்கள்  இதற்கு தக்க நடவடிக்கை எடுக்குமாறு பொதுமக்கள் மற்றும் சமூக ஆர்வலர்கள் வேண்டுகோள் விடுத்துள்ளனர். பொது மக்களின் வேண்டுகோளை ஏற்று வேலூர் மாநகராட்சி காட்பாடி 1வது மண்டல அலுவலர்கள் நடவடிக்கை எடுப்பார்களா அல்லது வேண்டுகோளை உதாசீனப்படுத்திவிட்டு தங்களது வேலையை வழக்கம்போல் பார்ப்பார்களா என்பதை நாம் பொறுத்திருந்துதான் பார்க்க வேண்டும்.

திருப்பத்தூர் நகரத்தில்.. நெடுஞ்சாலையில் மாடுகள் அங்கும் இங்கும் திரிவதால் பொதுமக்கள் கடும் அவதி..?

திருப்பத்தூர் நகராட்சியிலுள்ள நெடுஞ்சாலையில் 24×7 நேரமும் மாடுகள் வலம் வருவது தூங்குவதுமாக உள்ளது சுருக்கமாக சொன்னால் மாடுகளுக்கு திருப்பத்தூர் நகர நெடுஞ்சாலை தான் இருப்பிடமாக உள்ளது மாடுகள் 24 மணி நேரமும் நெடுஞ்சாலையில் இங்கும் அங்கும் பொதுமக்களுக்கு இடையூறாக இருந்து வருவதால் இரண்டு சக்கர வாகனங்களுக்கும், நான்கு சக்கர கனரக வாகனங்களுக்கும், பேருந்துகளுக்கும் கனரக வாகனங்களுக்கும் போக்குவரத்தில் கடும் இடையூறுகளை விளைவித்து விபத்துக்கள் ஏற்படுத்தியுள்ளதால் பொதுமக்கள் கடும் அவதிக்குள்ளாகி உள்ளனர் 

மேலும் மாடுகளின் இடையூறால் இரண்டு சக்கர வாகனங்கள் மாடுகள் மீது மோதி பல நபர்கள் விபத்துக்குள்ளாகி மூடமாகியுள்ளனர் என்று கடந்த 11-11-2024 அன்று திருப்பத்தூர் நகர நெடுஞ்சாலையில் மாடுகளின் அட்டகாசம் பொதுமக்கள் கடும் அவதி சல நாளிதழ்களில் செய்தியாக வந்தும் கண்டுகொள்ளாத திருப்பத்தூர் நகராட்சி நிர்வாகம் உடன்தி ருப்பத்தூர் நகர நெடுஞ்சாலைகளில் திரிந்தும் படுத்து உறங்கும் மாடுகளின் உரிமையாளர்கள் மீது தகுந்த உரிய நடவடிக்கை எடுத்து வாணியம்பாடி நகராட்சியில் விதிக்கப்பட்டுள்ள 1000 ரூபாய்க்கு பதிலாக திருப்பத்தூரில் 2000 ரூபாய் அபதாரம் விதிக்க வேண்டும் எனவும் மாடுகளின் உரிமையாளர் மாடுகளை ரோடுகளில்/ நகராட்சி நெடுஞ்சாலைகளில் விட்டு விட்டு மாடுகளை வளர்க்க இயலாதவர்கள் ஏன் மாடுகளை வளர்க்க வேண்டும் எனவும் சமூக ஆர்வலர்கள் வினவுகின்றனர் மீண்டும் பொதுமக்கள் மாடுகளின் மீது மோதி ஏற்பட காத்திருக்கும் விபத்துகளை தடுத்து பொது மக்களையும், மாடுகளையும் காத்திட வேண்டும் என திருப்பத்தூர் நகரத்தைச் சேர்ந்த சமூக ஆர்வலர்கள் கோரிக்கையாக வலியுறுத்துகின்றனர்.

குமரியில் புகாரின் பேரில் விசாரணைக்கு வந்த மாணவனை தன் சேரில் அமர வைத்த காவல் ஆய்வாளர் செய்த செயலால் நிகழ்ச்சி..!!

கன்னியாகுமரி மாவட்டத்தில் விசாரணைக்கு வந்த மாணவரை அழைத்து, தனது இருக்கையில் அமரவைத்து காவல் ஆய்வாளர் அறிவுரை செய்துள்ள சம்பவம் நெகிழ்ச்சியை ஏற்படுத்தியுள்ளது.

புதிய சட்டங்கள், சமூக வலைதள பக்கங்களின் மூலம் வெளியே வரும் கிரைம்கள், நவீன முறைகளில் மோசடி என காவல்துறைக்கு ஏகப்பட்ட சவால்களும், அதைச் சார்ந்த வேலைகளும் அதிகரித்துக் கொண்டே தான் இருக்கிறது. தவிர வழக்குகளை சீக்கிரமாக முடிக்க வேண்டும் என்கிற நெருக்கடி போன்ற காரணங்களால் காவல்துறையினர் எப்போதுமே இறுக்கமான முகத்துடன் காணப்படுகின்றனர். இந்த இறுக்கம் விசாரணையின்போது குற்றம்சாட்டப்பட்ட நபர்கள் மீது அப்படியே பிரதிபலிக்கிறது. சில நேரங்களில் காவல்துறை மரணங்கள் வரை இது இட்டு சென்றுவிடுகிறது.

இப்படி எப்பவுமே டெரராகவே காவல்துறை இருப்பதாக சொல்லப்பட்டாலும், சில காவலர்கள் பிரச்னைகளை கூலாக கையாளுகிறார்கள். கன்னியாகுமரி மாவட்டத்திலுள்ள சுசிந்தரம் காவல் நிலையத்திலும் இப்படியான சம்பவம் ஒன்று நடந்திருக்கிறது. அதாவது குடும்ப பிரச்னை குறித்து அளிக்கப்பட்ட புகாரின் மீது சுசிந்திரம் காவல் ஆய்வாளர் ஆதாம் அலி, விசாரணையை மேற்கொண்டிருக்கிறார். விசாரணைக்காக குற்றம்சாட்டப்பட்ட குடும்பத்தைச் சேர்ந்தவர்கள் காவல் நிலையம் வந்திருக்கிறார்கள். அதில் பள்ளி மாணவர் ஒருவரும் இருந்திருக்கிறார்.

மாணவரிடம் கல்வி குறித்து விசாரித்த காவல் ஆய்வாளர் ஆதாம் அலி, நன்றாக படித்தால் என்னை விட பெரிய இடத்திற்கு செல்ல முடியும் என்று அறிவுரை செய்திருக்கிறார். மட்டுமல்லாது சேர்க்கை சரியில்லை எனில் வாழ்க்கையில் உயர்ந்த இடத்தை எட்ட முடியாது என்றும், ஒழுக்கம் மிகவும் முக்கியம் எனவும் அவர் தெரிவித்திருக்கிறார்.

மாணவரை தனது இருக்கையில் அமர வைத்த காவல் ஆய்வாளர், இனி அடிதடி பஞ்சாயத்துகளில் சிக்குபவர்களுடன் தான் சேரமாட்டேன் என்று எழுதி கொடுக்கவும் அன்புடன் கேட்டுக்கொண்டார். இந்த சம்பவம் மாணவர் மத்தியில் பெரும் மன மாற்றத்தை ஏற்படுத்தும் என்று பல்வேறு தரப்பினரும் கூறி வருகின்றனர். இது தொடர்பான வீடியோ சமூக வலைத்தள பக்கங்களில் பரவலாக பகிரப்பட்டு வருகிறது. காவல் ஆய்வாளரின் அறிவுரை மாணவரின் பெற்றோர் நெகிழ்ச்சியடைந்துள்ளனர்.

பொதுவாக குடும்ப பிரச்னைகளில் சிறார்கள் மீது வழக்குப் பதிவு செய்ய எதிர் தரப்பினர் அதிக மும்முரம் காட்டுகின்றனர். குடும்பத்தில் இரண்டு தரப்பிலுள்ள பெரியவர்களுக்கு இடையே உருவாக்கியுள்ள பிரச்னைக்கு சிறார்கள் பாவம் என்ன செய்வார்கள்? தன்னுடைய அப்பா, அம்மா, உடன் பிறந்தோர் நெருக்கடியை சந்திக்கும்போது சிறார்கள் சீக்கிரமாகவே உணர்ச்சிவசப்பட்டுவிடுகிறார்கள். அதில் சில நேரங்களில் தவறுகள் நடந்துவிடுகிறது. ஆனால் இதை பெற்றோர்கள் எக்காரணத்தை கொண்டும் அனுமதிக்க கூடாது.

அதே நேரம் சிறார்கள் மீது கடுமையாகவும் காவல்துறை நடவடிக்கை எடுக்கக்கூடாது. பெரும்பாலான காவலர்கள் மனசாட்சியுடன் சிறார்களின் வாழ்க்கையை காப்பாற்றுகின்றனர். அதையேதான் சுசிந்திரம் காவல் ஆய்வாளர் ஆதாம் அலியும் செய்திருக்கிறார். சிறார் மீதான குற்றச்சாட்டை விசாரிக்கிறேன் என்று கறாராக நடந்துக்கொள்ளாமல், யாதார்த்தத்தை புரிய வைத்து மாணவரை தவறான வழிக்கு செல்லாமல் பாதுகாத்திருக்கிறார். காவல் ஆய்வாளரின் இத்தகைய செயல் குறித்து பலரது தரப்பினர் பாராட்டுக்களை தெரிவித்து வருகின்றனர்.